Shqipëria mirëpret për herë të parë në muajin qershor “Eagle Cup”

Shqipëria mirëpret për herë të parë “Eagle Cup”, një turne ndërkombëtar i futbollit të të rinjve, ekskluzivitet i “Viareggio Cup”. Ky event i rëndësishëm sportiv do të zhvillohet nga data 8 deri më 16 qershor në vendin tonë.

Në edicionin e parë të “Eagle Cup” do të marrin pjesë 12 skuadra të moshave të reja nga Shqipëria dhe e gjithë bota, duke e kthyer vendin tonë në qendrën e futbollit të të rinjve për disa ditë.

Organizimi i këtij turneu vjen falë bashkëpunimit të fondacionit shqiptar “Albtisol”, Federatës Shqiptare të Futbollit, Universitetit të Sporteve të Tiranës dhe Centro Giovani Calciatori Viareggio (CGC Viareggio), organizatorja e “Viareggio Cup”.

Turneu “Eagle Cup” synon të jetë më shumë sesa një kompeticion sportiv. Ai është një simbol i  edhe aktivitete që promovojnë fair-play, luftën kundër racizmit dhe vlerat sociale të sportit.

Zgjedhja e Shqipërisë si vend mikpritës për këtë edicion të parë nuk është e rastësishme por vjen në vazhdën e angazhimit dhe organizimit të eventeve futbollistike historike europiane si finalja e UECL (Tirana 2022) apo finalet e Kampionatit Europian “Shqipëri 2025” nga 19 maji në 1 qershor.

Zhvillimi i këtij turneu në vendin tonë në muajin qershor pritet të sjellë jo vetëm ekipe futbolli, por edhe tifozë, media ndërkombëtare e sponsorë të ndryshëm, duke e kthyer këtë event në një platformë të rëndësishme për promovimin e Shqipërisë në aspekt sportiv, turistik e ekonomik.