Shqipëri: Arrestohen tre persona, u kapen në flagrancë për shit-blerje të kanabisit

Policia e Shtetit ka bërë të ditur se janë arrestuar dhe kapur tre persona derisa ishin duke shpërndarë kanabis.

Në njoftimin e lëshuar për media thuhet se janë sekuestruar 3.5 kilogramë kanabis, e përpunuar dhe gati për shitje.

“Si rezultat, u arrestua në flagrancë shtetasi H. Ç., 34 vjeç, banues në Lushnjë, për veprën penale “Prodhimi dhe shitja e narkotikëve”. I njëjti ishte duke vozitur një automjet në drejtim të Lushnjës, ku policia i gjetën sasi lënde narkotike e dyshuar e llojit ‘cannabis sativa’, me peshë rreth 3.5 kilogramë”, thuhet në njoftim.

Më pas, janë arrestuar edhe A. K., 43 vjeç dhe G. K., 25 vjeç, banues në Durrës, për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e armëve të ftohta”.

Nga veprimet e para hetimore rezultoi se këta dy shtetas i kishin shitur shtetasit H. Ç., në zonën e Spitallës, lagjja nr. 15, lëndën narkotike që iu sekuestrua gjatë këtij operacioni.