Shpëton arkiva fotografike e piktorit Vangjush Mio

Ministria e Kulturës në Shqipëri dhe “Fototeka” digjitalizojnë dhe publikojnë për herë të parë arkivën e panjohur fotografike të Vangjush Mios.

Rreth 450 negativë të viteve 1930-1940 sjellin atmosferën e qyteteve shqiptare, banesat karakteristike, objektet e humbura të kultit, skena baritore dhe fshatrat e Juglindjes.

Janë shkrepje të rralla, të kapura me syrin e piktorit: peizazhe magjepsëse të Korçës, Pogradecit, Elbasanit, Krujës, Durrësit, Vlorës.