Rregullorja e re e “Prishtina Parking”, rreth 2 mijë qytetarë do të rimbursohen

“Prishtina Parking” do të implementojë rregulloren e re të parkimit që nga 22 janari i këtij viti.

Kjo ndërmarrje ka njoftuar se si rezultat i hyrjes në fuqi të rregullores së re, do të rimbursojë 1 mijë e 862 qytetarë të cilët janë në parapagim në vlerë prej 44 mijë e 130 euro.

“Qytetarët që janë në parapagim do të rimbursohen përgjatë procesit të regjistrimit të veturave të para pranë ndërmarrjes Prishtina Parking”, thuhet në njoftimin për medie.

Rregullorja e re parasheh një sërë ndryshimesh që prekin mënyrën e parkimit në kryeqytet.