Më në fund pritjes i erdhi fundi! Pas tre vitesh e gjysmë plot presion, kritika dhe pritshmëri të mëdha, Cristiano Ronaldo ka arritur të fitojë trofeun e parë me Al Nassr, duke udhëhequr skuadrën drejt titullit kampion në Arabinë Saudite për sezonin 2025/26.
Verdhezinjtë vulosën triumfin në javën e fundit të kampionatit, pasi mposhtën bindshëm skuadrën e Damac me rezultat 4:1.
Në mbrëmjen vendimtare shkëlqeu sërish Ronaldo, i cili realizoi dy gola dhe konfirmoi rolin e liderit në suksesin historik të ekipit duke shënuar kështu në tërësi 972 gola në karrierë, transmeton Klankosova.tv.
Në listën e golashënuesve u regjistruan edhe Sadio Mane dhe Kingsley Coman, duke kompletuar festën e madhe të Al Nassr, transmeton Klankosova.tv.
Skuadra nga Riadi e mbylli sezonin me 86 pikë, dy më shumë se rivalët e Al Hilal, për t’u kurorëzuar kampione e Arabisë Saudite.
Për Ronaldon, ky triumf përfaqëson një moment të shumëpritur dhe trofeun e parë që prej transferimit të tij te Al Nassr në fund të vitit 2022.