Në ndeshjen e xhiros së 30-të të Ligës Profesionale Saudite, Al-Nassr mposhti Al-Ahli me rezultatin 2:0, dhe pas ndeshjes Ronaldo shpjegoi se çfarë beson se po i shkakton dëmin më të madh ligës.

Sipas tij, ankesat e vazhdueshme dhe postimet negative në mediat sociale po e dëmtojnë konkurrencën, edhe nëse shumë njerëz i shohin reagime të tilla si normale.

“Kjo nuk është luftë. Nuk e ndihmon ligën. Të gjithë ankohen, shkruajnë në rrjetet sociale… kjo nuk është mirë”, tha Ronaldo, transmeton Klankosova.tv 

Vlen të përmendet se ishte Cristiano Ronaldo ai që shënoi golin e parë në minutën e 76-të me një gol jashtëzakonisht të rëndësishëm për vendasit. Ishte goli i 970-të në karrierën e sulmuesit portugez. Tani atij i duhen vetëm edhe 30 të tjerë për të arritur shifrën 1,000. /Klankosova.tv