Rinia e Aleancës së bashku me kryetaren Albulena Kokollari, i është bashkuar nismës për nënshkrimin e peticionit të Institutit të Kosovës për Drejtësi (IKD).

Përmes një reagimi publik, Rinia e AAK-së thekson se i bashkohet mbështetjes që kryetari i AAK-së, Ardian Gjini, i ka dhënë kësaj nisme, duke vlerësuar se ndarja e mjeteve publike pak ditë para zgjedhjeve nuk përbën politikë sociale, por është një përpjekje për manipulim dhe blerje votash me paratë e qytetarëve.

Sipas tyre, duhet të ketë përgjegjësi të qartë penale për shkeljen e vendimeve të Gjykatës Kushtetuese dhe për keqpërdorimin e parasë publike për qëllime fushate.

Në fund, Rinia e AAK-së u ka bërë thirrje të gjithë të rinjve që të nënshkruajnë peticionin e IKD-së, duke e cilësuar këtë si një hap në mbrojtje të demokracisë në Kosovë.