Ish-deputeti Artan Behrami duke e komentuar ketë raport, ka theksuar se kjo është kthesa më e madhe për procesin e Hagës. “Kombet e Bashkuara, Këshilli i Evropës dhe organizata të tjera ndërkombëtare në baza ditore citojnë raporte të ‘Bar Human Rights Committee of England and Wales’. Publikimi i raportit që gjen shkelje flagrante të të drejtave të njeriut dhe procedurave gjyqësore do të duhej të përbënte alarm për shtetet financuese të Dhomave të Specializuara të Kosovës. Bar Human Rights Committee of England and Wales është organizata më serioze në botë dhe njihet për fakte të verifikuara. I lumtë edhe Avokatit të Popullit, Naim Qelaj, për angazhimin në këto pesë vitet e fundit për të ndriçuar të gjitha shkeljet e të drejtave të njeriut nga Gjykata Speciale”, ka shkruar Behrami në “Facebook”.