Ramadani: Përsëritja e Banjskës rrezik real, NATO ka sjell 1,000 trupa shtesë në Kosovë

Burim Ramadani, ish-kryeinspektor i AKI-së, tha se mundësia për një ripërsëritje të Banjskës është e madhe.

Ai përmendi faktin se NATO ka sjellë 1 mijë trupa ushtarak në Kosovë.

“Është shumë serioze që NATO i ka shtu 1 mijë trupa”, tha Ramadani në Pressing.

“NATO i ka rritë trupat luftarakë, nuk ka pru trupa të rregullt ose mbështetës, por ka pru trupa luftarak në Veri të Kosovës. Mundësia e një rigrupimi dhe një risulmi sikurse rasti i Banjskës me 24 shtator është e madhe dhe mund të ndodh dhe këtë nuk e ka përjashtu asnjë insitutucion as vendor e as ndërkombëtar”, tha ai, transmeton Express.