Rama nderon me “Çelësin e Qytetit” gazetarin e BBC-së, David Loyn

Kryetari i Komunës së Prishtinës, Përparim Rama, ka nderuar me “Çelësin e Qytetit” gazetarin e BBC-së, David Loyn.

Ai ka thënë se raportimi nga zona e luftës në Kosovë gjatë viteve 1998-1999 ishte jetik për të sjellë informacionin e rëndësishëm dhe për të sensibilizuar opinionin ndërkombëtar për situatën e rëndë në luftën humanitare në vendit tonë.

“Gazetari i BBC-së, David Loyn, me raportimet e tij dokumentoi atë se çfarë po ndodhte, shfaqi të vërtetën për dëmet ndaj popullsisë civile në Kosovë që po shkaktoheshin nga aparati shtetëror serb. Përmes këtij dokumentimi, ai kontribuoi në mobilizimin e ndihmës ndërkombëtare dhe në përgatitjen e një reagimi ndërkombëtar për të ndihmuar popullsinë lokale. I jemi përjetë mirënjohës për kontributin e tij të veçantë!”, ka thënë Rama.