Kryetari i Rahovecit, Smajl Latifi, ka bërë me dije se sot, në Xagħra (Shara) të ishullit Gozo në Maltë, së bashku me kryetarin e komunës, Victor Curmi, nënshkruam marrëveshjen e binjakëzimit ndërmjet Komunës së Rahovecit dhe Komunës së Xagħra-s.

“Kjo marrëveshje hap një bashkëpunim në shkëmbimin e përvojave, promovimin e vlerave kulturore e qytetare, si dhe zhvillimin e projekteve të përbashkëta në kuadër të programeve të Bashkimit Evropian”.

“Binjakëzimi lidhet edhe me projektin e BE-së “Golden Years, Active Voices: Empowering Elderly Citizens in Democratic Life”, ku Xagħra është lider i projektit, ndërsa Rahoveci partner. Projekti synon fuqizimin e rolit të qytetarëve të moshuar, rritjen e pjesëmarrjes së tyre dhe promovimin e dialogut ndër breza”.

“Në mbrëmje patëm kënaqësinë të marrim pjesë në Festivalin Tradicional të Fikut, një ngjarje që pasqyron kulturën, traditën dhe mikpritjen e vendit. Besojmë se kjo miqësi e re do të shndërrohet në një partneritet të suksesshëm me përfitime konkrete për qytetarët e të dy komunave”, ka shkruar Latifi në ‘Facebook’.