Qeveria në detyrë ndan 75 mijë euro për Fondacionin shqiptaro-amerikan

Qeveria e Republikës së Kosovës në detyrë ka mbajtur mbledhje elektronike në të cilën ka miratuar dy vendime.

Sipas një njoftimi për medie, bëhet me dije se Qeveria ka mbështetur procesin e nisur nga Mbretëria e Bashkuar dhe Franca për trajtimin e përhapjes dhe përdorimit të papërgjegjshëm të aftësive komerciale të ndërhyrjes kibernetike dhe ka ndarë 75 mijë euro për Fondacionin Shqiptaro-Amerikan për promovimin e vendit.

“Mbështesim procesin e nisur nga Mbretëria e Bashkuar dhe Republika e Francës për trajtimin e përhapjes dhe përdorimit të papërgjegjshëm të aftësive komerciale të ndërhyrjes kibernetike – ‘Procesi Pall Mall’. Janë ndarë 75,000 euro për Fondacionin Shqiptaro-Amerikan, me qëllim të promovimit të vendit”, thuhet në njoftim.