Puthja që i kushtoi shtrenjtë, ish-shefi i FSF sot del para gjyqit

Ish-shefi i Federatës Spanjolle të Futbollit, Luis Rubiales do të dalë në gjyq sot për puthjen që i dha futbollistes, Jennifer Hermoso, një gjest që shkaktoi reagim kundër seksizmit në sport.

Ai, akuzohet për sulme seksuale pas akuzave se ai u përpoq të detyronte Hermoso, të deklaronte publikisht se puthja, e cila ndodhi ndërsa ajo festonte fitoren e ekipit të saj në Kupën e Botës 2023 në Australi, ishte konsensuale, transmeton klankosova.tv.

47- vjeçari, i cili dha dorëheqjen si president i Federatës Spanjolle të Futbollit, fillimisht e përshkroi puthjen si “konsensuale”.

Prokurorët spanjollë kërkojnë një dënim prej dy vjet e gjysmë burg, megjithëse në Spanjë ata që marrin dënime më pak se dy vjet zakonisht mund të shmangin burgun duke paguar dëmshpërblim për sa kohë që nuk kanë dënime të mëparshme.

Golashënuesja më e mirë e të gjitha kohërave e Spanjës, Jenni Hermoso e cila luan për Tigres në Meksikë, do të dalë sot në gjykatën e lartë të Madridit.

Gjithashtu në gjyq për rolet e tyre të dyshuara në ushtrimin e presionit ndaj Hermoso janë ish-trajneri i ekipit kombëtar të femrave, Jorge Vilda, ish-drejtori sportiv i RFEF, Albert Luque dhe ish-shefi i marketingut të federatës, Rubén Rivera.