Pse po ‘përzihet’ Kurti në Maqedoni? Ramabaja: Po bën shumë mirë

Analisti Sadri Ramabaja përfshirjen e kryeministrit Kurti në zgjedhjet në Maqedoninë e Veriut, e sheh si strategji të menduar mirë.

Kështu u shpreh Ramabaja në Pressing në T7, duke thënë se në këtë mënyrë mund të faktorizohemi tërësisht si komb.

“Mua më duket strategjikisht i menduar mirë, sepse duhet të faktorizohemi tërësisht si komb. Më nuk mund të faktorizohemi pjesërisht, vetëm njëra palë ose tjetra. Ju jeni dëshmitarë se po këtë strategji e ka përdorë edhe në Preshevë dhe ka dalë fitues”, tha Ramabaja në Pressing, transmeton Gazeta Express.