Kombinati Trepça ka shënuar rezultatet më të mira ndonjëherë në prodhimin dhe eksportin e koncentrateve të plumbit (Pb) dhe zinkut (Zn), gjatë gjashtëmujorit të parë të vitit 2026.

Sipas të dhënave të publikuara nga ndërmarrja, Njësitë Biznesore Stantërg dhe Kishnicë kanë realizuar gjithsej 4,961.52 ton prodhim dhe eksport të koncentrateve, duke vendosur një rekord të ri në historinë e tyre.

Krahasuar me të njëjtën periudhë të vitit 2025, prodhimi dhe eksporti janë rritur për 25.5 për qind, ndërsa në raport me vitin 2024 rritja arrin në 74.3 për qind.

Të dhënat tregojnë se në gjashtëmujorin e parë të vitit 2024 janë prodhuar dhe eksportuar 2,846.32 ton, në vitin 2025 kjo shifër është rritur në 3,953.19 ton, ndërsa në vitin 2026 ka arritur në 4,961.52 ton, niveli më i lartë i regjistruar deri më tani.

Nga Trepça e kanë vlerësuar këtë rezultat si një sukses të rëndësishëm për sektorin minerar, duke theksuar se ky rekord dëshmon për rritjen e vazhdueshme të prodhimit dhe performancës së ndërmarrjes.