Prishtina vazhdon me formë të lartë në Liga Unike Femrat

Prishtina po vazhdon me formë të lartë në Liga Unike Femrat, ku kësaj radhe shënoi fitore ndaj Penzës me rezultat 73:79 (22:25, 15:20, 19:17, 17:17), në javën e shtatë, që u zhvillua në kryeqytetin e Kosovës.

Prishtinaset e nisën ndeshjen më mirë me një seri prej 3:11, dhe epërsinë e krijuar arritën ta ruajnë në pjesën e parë, që e fituan 37:45, derisa pjesa e dytë, përkundër se, ishte më e barabartë, ishte e mjaftueshme për skuadrën prishtinase që të triumfojë në fund 73:79.

Më e mira te Penza ishte Saranda Daci me 20 pikë e 11 kërcime, kurse te Prishtina më e mira ishte Asianae Johnson me 30 pikë, tetë kërcime e tetë asistime.

Prishtinaset kanë gjashtë fitore dhe vetëm një humbje, kurse ajo pejane ka një fitore e gjashtë humbje.