FC Prishtina ka zyrtarizuar transferimin e mesfushorit 16-vjeçar, Bebart Selmani, i cili ka nënshkruar kontratë me klubin kryeqytetas.

Selmani i bashkohet Prishtinës nga 2 Korriku dhe konsiderohet një nga mesfushorët më premtues të gjeneratës së tij.

Ai ka qenë pjesë e përfaqësueseve të Kosovës U15, U16 dhe U17, duke spikatur me paraqitjet e tij në grupmoshat e reja.

Klubi e ka cilësuar këtë transferim si pjesë të strategjisë për investim në futbollistët e rinj me perspektivë, ndërsa nënshkrimi i kontratës përfaqëson një hap të rëndësishëm në zhvillimin e karrierës së Selmanit.

Në njoftimin e publikuar, FC Prishtina i ka uruar Bebart Selmanit shumë suksese dhe një rrugëtim të mbarë me fanellën bardhekaltër.