Presidentja e Gjeorgjisë i vë veton ligjit për “agjentë të huaj”

Presidentja e Gjeorgjisë, Salome Zurabishvili, e ka përdorur veton për të ashtuquajturin projektligj për agjentë të huaj që shënjestron mediat dhe organizatat joqeveritare, të cilat financohen prej qeverive të huaja.

Tash e sa javë banorët e Gjeorgjisë janë duke protestuar pasi konsiderojnë që ky ligj rrezikon rrugën e shtetit drejt integrimeve në Bashkimin Evropian.

Ligji do t’iu kërkonte mediave dhe organizatave joqeveritare që të regjistrohen si “përmbushës të interesave të një fuqie të huaj”, nëse marrin më shumë se 20 për qind të fondeve prej jashtë, raporton Rel.

Zurabishvili ka thënë më herët gjatë javës se e konsideron këtë ligj si “të pranueshëm”.

Zurabishvili, që ka mospajtime në rritje me partinë në pushtet, Ëndrrat Gjeorgjine, ka treguar edhe më parë që synon t’i vendosë veton projektligjit, i cili është miratuar nga parlamenti më 14 maj.