Presidenti Ademi uron Kombëtaren e Kosovës U16 për fitore: Krenar për secilin lojtar

Kombëtarja e Kosovës U16 e ka mbyllur “UEFA Development Tournament” në Tiranë si kampion, duke realizuar tri fitore në po aq ndeshje.

Presidenti i FFK-së, Agim Ademi, ka uruar për këtë sukses.

“Djemtë e drejtuar nga Mehmed Kurda dhe Ibrahim Domi, pas fitoreve ndaj San Marinos (7:0) dhe Andorrës (2:1), shënuan fitore edhe ndaj bashkëmoshatarëve të tyre të Kombëtares së Shqipërisë, me rezultat 2:1”.

“Ky sukses tregon potencialin e madh të futbollistëve tanë të rinj dhe frymën e jashtëzakonshme ekipore. Krenar për secilin lojtar që ishte pjesë e Kombëtares, por edhe për stafin që udhëhoqi me dinjitet ekipin drejt kësaj arritjeje”.

“Besoj fuqishëm që kjo gjeneratë do të vazhdojë të tregohet e suksesshme dhe do të na përfaqësojë me krenari në sfidat e ardhshme”, ka shkruar Ademi në Facebook.

Urime e ju priftë e mbara! 🎉