Presidenti Ademi takon presidentin e FIFA-s, temë diskutimi zhvillimi i futbollit

Presidenti i FFK-së, Agim Ademi, ka takuar në Cyrih presidentin e FIFA-s, Gianni Infantino, në darkën e shtruar prej tij në prag të shortit për Kupën e Botës 2026.

“Sot pata kënaqësinë të zhvilloj një takim tjetër shumë miqësor me presidentin e FIFA-s, Gianni Infantino, në darkën e shtruar prej tij në prag të shortit për Kupën e Botës 2026. Diskutuam për zhvillimin e futbollit në Kosovë dhe mbështetjen që FIFA do të vazhdojë të ofrojë për projektet tona. Presidenti Infantino na uroi fat në shortin e nesërm dhe rrugëtim të mbarë në ciklin kualifikues”, ka shkruar në “Facebook” presidenti Ademi.