Presidenti Ademi me mesazh, përmbyllet procesi i zgjedhjeve në shtatë Lidhjet Rajonet të Futbollit

Presidenti i FFK-së, Agim Ademi, ka njoftuar se me Kuvendin Zgjedhor të Lidhjes Rajonale të Futbollit në Ferizaj u përmbyll procesi i zgjedhjeve në shtatë Lidhjet Rajonet të Futbollit.

“Me vota të fshehta për kryetar të LRF të Ferizajt u zgjodh Ilaz Mjaku, i cili mori 18 vota të delegatëve, derisa kandidati tjetër Afrim Haliti mori 7 vota. E përgëzoj Ilaz Mjakun për mandatin katërvjeçar në krye të LRFF-së, derisa i shpreh mirënjohje Afrim Halitit për punën e deritashme si dhe komunitetit të futbollit të këtij rajoni për frymën pozitive. Së bashku do të vazhdojmë reformat dhe përmirësimin e kushteve infrastrukturore në këtë rajon”, ka shkruar Ademi në “Facebook”.