Portieri nga Kosova bën hap të madh në karrierë, arrin marrëveshje me Dortmundin

Portieri nga Kosova, Diant Ramaj, pritet të largohet nga klubi i njohur holandez Ajax.

Ai ka arritur të bëj një hap të madh në karrierën e tij profesionale.

Mediat gjermane raportojnë se Ramaj, ka arritur marrëveshje me gjigandët e Borussia Dortmund.

Por, 23 vjeçari fillimisht pritet të huazohet te danezët e Kopenhagen.

Aktualisht, portieri kosovar ka mbetur në hijen e Remko Pasver te Ajaks, ku është zgjedhja e dytë për portën.

Negociatat mes Borusia Dortmundit dhe Ajaxi janë tashmë në fazën e avancuar, dhe pritet që transferimi të finalizohet në ditët e ardhshme.

Palët duket se kanë arritur akordin dhe bëhet fjalë për një tarifë transferimi 5 milionë euro. Ramaj pritet të firmosë kontratë deri në vitin 2029, raporton Klan Kosova.