Po vazhdon Kampionati Botëror në Skitarinë Alpine “Saalbach 2025”

Po vazhdon Kampionati Botëror në Skitarinë Alpine “Saalbach 2025”, që po mbahet në Austri, ku sot janë zhvilluar garat në disiplinën e sllallomit.

Për ekipin tonë të vajzave, gara e sotme kryesore e sllallomit ishte e fundit. Për shkak edhe të kushteve të vështira, shumica e garueseve nuk arritën të mbyllin garën, mes tyre edhe skitaret tona: Lirika Deva, Kiana Kryeziu e Arba Pupovci.

Ndërkohë, tek meshkujt, u zhvillua gara kualifikuese. Klos Vokshi pati paraqitjen të mirë, duke përfunduar në vendin e 56-të.

Arbi Pupovci u rendit i 73-ti, ndërsa Drin Kokaj ishte i pafat, duke dalë nga shtegu në lëshimin e parë. Në total morën pjesë 138 garues, shumica e të cilëve nuk arritën të përfundojnë njërin nga dy lëshimet.

Pavarësisht që Kokaj nuk përfundoi garën, falë pikëve më të mira në FIS për këtë disiplinë, ai u kualifikua për garën kryesore të sllallomit, që zhvillohet nesër.