Kryetari i Prishtinës, Përparim Rama, ka vlerësuar rëndësinë e mbështetjes së të rinjve të suksesshëm dhe krijimit të mundësive për ta ndërtuar të ardhmen në Kosovë.

Në një postim në Facebook, Rama ka ndarë takimin me notarin e talentuar kosovar, Sidrit Deskun, i cili ka përfaqësuar Kosovën edhe në Lojërat Mesdhetare të vitit 2023.

“Takimet me të rinjtë tanë të suksesshëm, na japin shpresë për këtë vend, por njëkohësisht na kujtojnë përgjegjësinë që kemi mos me ja cenu të ardhmen”, ka shkruar Rama.

Ai ka theksuar se Sidrit Desku është një prej të rinjve që përmes talentit dhe përkushtimit po e përfaqëson Kosovën.

“Detyra jonë është t’u krijojmë mundësi”, ka përfunduar Rama.