Për çka u morën vesh në takimin e përbashkët Osmani dhe Lammy

Presidentja Vjosa Osmani ka takuar Sekretarin e Jashtëm të Mbretërisë së Bashkuar, David Lammy.

Ajo ka bërë të ditur se Lammyt i ka propozuar marrëveshje të avancuar strategjike në fushën e mbrojtjes dhe ekonomisë, e cila u mirëprit nga sekretari Lammy.

“Diskutuam edhe për mbështetjen e palëkundur britanike për sovranitetin dhe pavarësinë e Kosovës, sigurinë rajonale, dialogun me Serbinë, bashkëpunimin ekonomik dhe integrimin euroatlantik. Jemi të përkushtuar ta konkretizojmë këtë partneritet dhe të fuqizojmë më tej aleancën tonë me Mbretërinë e Bashkuar. Kosova mbetet e vendosur për forcimin e demokracisë, sundimin e ligjit dhe mbrojtjen e paqes, me mbështetjen e aleatëve tanë strategjikë”, ka theksuar Osmani.