Pejë: Policia dhe Prokuroria zhvillojnë aksion kundër të dyshuarve për dallavere me patent-shofer

Policia e Kosovës bashkë me Prokurorinë e Shtetit, janë duke zhvilluar një aksion në Pejë kundër disa të dyshuarve për dallavere me patent-shofer.

Kjo u konfirmua nga Kryeprokurori i Pejës, Agim Kurmehaj, në një përgjigje të shkurtë për Klankosova.tv.

Ai tha se Valbona Haxhosaj, është në krye të këtij aksioni, ndërsa detaje tjera për momentin nuk dha me arsyetimin se mund të dëmtohet operacioni.