Peci: Nuk shoh mundësi të shkuarjes në zgjedhje të parakohshme për shkak të asociacionit

Ministri i Bujqësisë, Faton Peci, deklaroi se nuk sheh mundësi që të shkojnë në zgjedhje të parakohshme ku shkaktar do të jetë drafti i asociacionit ose mundësia e themelit të tij për shkak se siç tha, deri te një presion aq i qartë mund të vijë atëherë kur ka dakordim të palëve.

“Unë nuk mendoj që drafti i asociacionit është shkaktari që ne mund të shkojmë potencialisht në zgjedhje të parakohshme. Diku në gusht ose shtator Kosova i shpall zgjedhjet për shkak se janë afatet kohore që të realizohen dhe në një rrethanë të tillë të zgjedhjeve të rregullta presidentja ka për detyrë kushtetuese që t’i shpallë zgjedhjet”, ka deklaruar ministri Peci në emisionin Rubikon në Klan Kosova.