Partia Demokratike e Kosovës ka vazhduar aksionin e saj para Qeverisë së Kosovës, ku këtë herë është bërë bashkë me asamblistë dhe aktivistë nga Komuna e Mitrovicës.

Përmes këtij aktiviteti, PDK-ja ka kërkuar ndaljen e bllokimit institucional dhe rikthimin e vendit në rendin kushtetues.

“Stop uzurpimit të institucioneve. Rikthim në rendin kushtetues. Konstituim të Kuvendit”, është mesazhi i përcjellë nga PDK-ja.

Sipas kësaj partie, vendi ka nevojë për institucione funksionale që u shërbejnë qytetarëve dhe mundësojnë zhvillimin e shtetit.

“Nuk do të zmbrapsemi. Nuk do të ndalemi”, ka deklaruar PDK-ja.