Pas shpërthimit të mbrëmshëm në Ibër Lepenc, Osmani anulon vizitën në Brunei

Presidentja e Kosovës, Vjosa Osmani ka anuluar vizitën shtetërore në Brunei, pas shëprthimit që ndodhi mbrëmë në Ibër Lepenc.

Presidenca thotë se ky vendim u mor pas shqyrtimit të kujdesshëm të situatës në zhvillim të sigurisë dhe nevojës për t’u koordinuar me të gjitha institucionet në vend.

“Presidentja ishte paraparë të udhëtonte sot në mëngjes për Brunei. Në një bisedë telefonike të zhvilluar sot,  Presidentja Osmani e ka njoftuar Madhërinë e Tij Sulltan Haxhi Hassanal Bolkiah, me zhvillimet aktuale të sigurisë në vend dhe janë dakorduar që vizitën e paraparë ta realizojë në një të ardhme të afërt dhe në një kohë të përshtatshme për të dy palët”.

“Ky vendim u mor pas shqyrtimit të kujdesshëm të situatës në zhvillim të sigurisë dhe nevojës për t’u koordinuar me të gjitha institucionet në vend në mënyrë që të garantohet siguria e të gjithë qytetarëve të Kosovës”, thuhet në njoftimin e presidencës.