Pas qëndrimit të hënën në Kosovë, Pistorius shkon në Serbi

Ministri gjerman i Mbrojtjes, Boris Pistorius po qëndron sot për vizitë në Serbi ku do të pritet në takim nga presidenti i këtij vendi, Aleksandar Vuçiq.

Siç bën të ditur zyra për media e Vuçiqit, takimi mes tyre është planifikuar për në orën 15:30 në presidencën serbe.

Të hënën, ministri gjerman qëndroi për vizitë në Kosovë ku u takua me krerë të shtetit.

Pas takimit në Prishtinë me presidenten Vjosa Osmani ai theksoi se në deeskalim bën pjesë edhe vendosja e Euros si valutë e vetme e Kosovës.

“Jemi të vetëdijshëm që Kosova ka të drejtë për të zbatuar ligjshmërinë e saj, por në deeskalim bën pjesë edhe masat legjitime për sa i përket vendosjes së Euros si valutë e vetme”.