Osmani: Kosova qëndron fuqishëm përkrah ShBA-ve kundër regjimit narkoterrorist të Venezuelës

Presidentja Vjosa Osmani ka reaguar lidhur me veprimet e ndërmarra nga Shtetet e Bashkuara të Amerikës në Venezuelë.

Në deklaratën e saj thuhet: Kosova qëndron fuqishëm përkrah Shteteve të Bashkuara dhe Presidentit @realDonaldTrump, duke mbështetur veprimet e tyre kundër regjimit narkoterrorist të Venezuelës.

Presidenti Trump qëndroi në krah të popullit të Venezuelës dhe u përball me narkoshtetin e Maduros – duke mbrojtur Amerikën dhe pjesën tjetër të botës nga kartelet dhe krimi i organizuar. Kështu duket fuqia dhe lidershipi amerikan.

Populli i Venezuelës meriton liri, demokraci dhe një të ardhme të udhëhequr nga sundimi i ligjit, e jo nga frika. Narkoterrorizmi dhe sundimi autoritar rrezikojnë paqen shumë përtej kufijve kombëtarë.

Kosova e kupton fuqinë e vendosmërisë amerikane – çlirimi ynë është dëshmi e saj. Në një moment kur Shtetet e Bashkuara po përballen me tiraninë në Venezuelë, të gjithë duhet ta forcojmë këtë qëndrim, sepse komuniteti transatlantik është më i fortë kur qëndron i bashkuar pas udhëheqjes amerikane dhe vlerave të përbashkëta. Kur Amerika udhëheq, ne qëndrojmë me krenari së bashku – sepse liria jonë e përbashkët varet nga kjo”, ka theksuar Osmani.