Një pjesëtar i Zonës Operative të Dukagjinit del si dëshmitar në gjykimin ndaj krerëve të UÇK-së: Thaçi ishte kryesori

Ka filluar dëshminë, dëshmitari i mbrojtur 01493 në rastin ku po gjykohen ish-udhëheqësit e Ushtrisë Çlirimtare, Hashim Thaçi, Kadri Veseli, Rexhep Selimi dhe Jakup Krasniqi.

Shumica e dëshmisë së tij është e mbyllur, por në prezantimin që ia bëri prokurori Nathan Quick, tha se dëshmitari ka qenë pjesë e Zonës Operative të Dukagjinit dhe do të flasë për strukturën dhe marrëdhënien mes UÇK-së dhe Forcave të Armatosura të Kosovës, FARK, të udhëhequra nga qeveria në ekzil.

Quick tha se dëshmitari ka deklaruar se personi kryesor në UÇK ka qenë Hashim Thaçi.