Nisma e Partisë Demokratike të Kosovës (PDK) për plotësimin dhe ndryshimin e Ligjit për Dhomat e Specializuara të Kosovës në Hagë është dërguar për mendim në Qeverinë e Kosovës.

Lajmi u bë me dije të premten pas mbledhjes së parë të Kryesisë së Kuvendit të legjislaturës së 11-të.

Kryeparlamentarja Albulena Haxhiu ka thënë se është në komunikim me kryeministrin Kurti që kjo çështje të adresohet dhe të trajtohet me prioritet.

Me pajtimin e grupeve parlamentare është vendosur që të hënën të mbahet një seancë e radhës e Kuvendit, ku në rend dite do të jetë miratimi i një deklarate lidhur me vendimin e 16 shtatorit të Gjykatës Speciale.