Ngjarja e Basketbollit 3×3: Përmbyllja e Javës Evropiane të Sportit

Federata e Basketbollit e Kosovës në bashkëpunim me Ministrinë e Kulturës, Rinisë dhe Sportit, përmbylli me sukses Javën Evropiane të Sportit me një event të veçantë të basketbollit 3×3.

Nga 23 deri më 30 shtator, aktivitete të ndryshme sportive u zhvilluan për të promovuar një jetë aktive dhe të shëndetshme.

Ngjarja përmbyllëse e basketbollit 3×3 u dha fëmijëve nga shkollat e basketbollit mundësinë të shfaqin talentin e tyre në fushë, duke treguar pasionin dhe aftësitë e zhvilluara në këtë sport.

Pjesëmarrësit patën gjithashtu kënaqësinë të ndjekin performancat e disa prej figurave më të njohura të basketbollit kosovar, përfshirë Edmond Azemin, Irma Konjushën, Fisnik Junikun, Teuta Abdullahun, Granit Makollin, si dhe Iber Alaj.