Kryetari i Federatës së Pingpongut të Kosovës, Nehat Çitaku, është rizgjedhur zëvendëspresident i Unionit Mesdhetar të Pingpongut.

“Rizgjedhja e tij ka rëndësi të veçantë për sportin e Kosovës, pasi fuqizon prezencën dhe ndikimin e vendit tonë në strukturat ndërkombëtare vendimmarrëse. Kjo krijon më shumë mundësi për avancimin e sportistëve tanë, rritjen e bashkëpunimit ndërkombëtar dhe promovimin e Kosovës në arenën globale sportive”, thuhet në njoftimin e Komitetit Olimpik të Kosovës, duke theksuar se mbetet i përkushtuar të mbështesë përfaqësimin dhe sukseset e sportit tonë në çdo nivel.

“Urime dhe suksese të mëtejshme!”, thuhet në njoftimin e KOK-ut.