Shoqata e Ndërtimit e Kosovës zhvilloi një takim me përfaqësuesit e UN-Habitat, me fokus në mundësitë për promovimin dhe zhvillimin e konceptit të ndërtimit të përballueshëm në Kosovë.

Gjatë takimit, Shoqata shprehu gatishmërinë për të ofruar kontributin e saj profesional në zhvillimin e zgjidhjeve dhe iniciativave që mbështesin ndërtimin e përballueshëm dhe krijimin e hapësirave të qëndrueshme për qytetarët.

Në kuadër të diskutimeve, Shoqata propozoi që modeli **WIEN 3420 aspern Development AG** të merret si shembull i një praktike të suksesshme në zhvillimin urban dhe banimin e përballueshëm, me qëllim të shqyrtimit të mundësive për përshtatjen e elementeve të këtij modeli edhe në kontekstin e Kosovës.

Përmes bashkëpunimit me partnerët vendorë dhe ndërkombëtarë, Shoqata e Ndërtimit e Kosovës mbetet e angazhuar në avancimin e sektorit të ndërtimit dhe në promovimin e zgjidhjeve që kontribuojnë në një zhvillim më të qëndrueshëm dhe më gjithëpërfshirës.