NBA/ Ndalet Oklahoma, Minesota prish serinë e fitoreve të kryesueseve të Perëndimit

Ndeshjet e të hënës në mbrëmje në NBA dhuruan emocione e supriza.

Kështu kryesuesit e Perëndimit, Oklahoma City Thunder pas një ecurie shumë të mirë, janë mundur ndaj Minesotës, me shifrat 131-128, aty ku u desh “overtime” për të përcaktuar fituesin. Në këtë përballje u dallua Jaden McDaniel me 27 pikë. Gjithsesi, skuadra e Thunder ruan kreun e renditjes në Konferencën e Perëndimit.

Jashtë fushe fiton Denver, që mundi 125-116 Indiana. Gordon me 25 pikë udhëhoqi skuadrën e Nuggets, me 6 lojtarë që realizuan mbi 10 pikë.

Fitore të lehtë korri Chicago, që falë 48 pikëve të dyshes Giddey-Huerter mundi 142-110 Philadelphia.

Ekipi i Detroit mundi 106-987 Clippers në një përballje të ekuilibruar. Cunningham me 32 pikë ishte lider për vendasit.

Zhgënjen Miami, që u mund 98-86 nga Atlanta. Vendimtar stoli i ekipit vendës, nga ku erdhën 49 pikë.