MKRS-ja nënshkruan memorandumet me federatat sportive

Ministria e Kulturës, Rinisë dhe Sportit ka njoftuar se gjatë ditës së djeshme janë nënshkruar memorandumet me federatat sportive, për vitin 2024.

Sipas njoftimit të Ministrisë, buxheti total për to është rritur për 53% në krahasim me vitin e kaluar.

Shuma e përgjithshme është 5.5 milionë euro dhe përfitues do të jenë 35 federata, ku përfshihen edhe disa të sapo licencuara.

Në krahasim me vitet e kaluara, kjo është hera e parë që federatat do ta kenë buxhetin në dispozicion kaq herët në vit.