Miratohet buxheti për vitin 2025 për projekte që transformojnë Rahovecin

Në mbledhjen e sotme të Kuvendit Komunal të Rahovecit, u miratua buxheti për vitin 2025 me 16 vota për, 8 kundër dhe 4 abstenime.

Kryetari i kësaj komune, Smajl Latifi, ka thënë se buxheti kap vlerën 20,982,796.00 euro dhe synon të realizojë një sërë projektesh të rëndësishme për zhvillimin e komunës sonë.

“Jam i bindur se projektet e planifikuara do të kenë një ndikim pozitiv të ndjeshëm në jetën e përditshme të qytetarëve. Falënderoj të gjithë ata që janë përfshirë në këtë proces, drejtorin e Drejtorisë për Buxhet dhe Financa, z. Afrim Limani, ekipin tim, si dhe anëtarët e Kuvendit Komunal për kontributin që dhanë në votimin e buxhetit për 2025 dhe të projeksioneve për vitet pasuese, 2026 dhe 2027!”, ka shkruar Latifi në Facebook.