Milani transferon mesfushorin e Monacos për 25 milionë euro

Youssuf Fofana është thuajse një lojtar i Milanit. Monaco është gati për të thënë po për shitjen e mesfushorit francez, i cili është ndjekur prej muajsh nga kuqezinjtë.

Në këto orë të dy klubet po finalizojnë detajet e një marrëveshjeje që do të bëjë që klubi milanez të paguajë një shumë fikse prej rreth 20 milionë euro plus 5 milionë bonuse.

25-vjeçari u rezistoi edhe sirenave të Manchester United dhe Atletico Madrid, gati për t’i ofruar shuma më të mëdha klubit francez.

Kuqezinjtë janë në pritje të autorizimit nga Monaco për vizitat mjekësore para nënshkrimit të kontratës deri në vitin 2028.