Messi zbulon dy emrat që ndikuan më shumë në suksesin e tij te Barcelona

Lionel Messi ka zbuluar dy emra që luajtën një rol të madh në karrierën e tij gjatë kohës sa ishte te Barcelona.

Në një intervistë për Mundo Deportivo, ylli aktual i Inter Miamit tha se Pep Guardiola dhe legjenda braziliane Ronaldinho ishin dy personat që e ndihmuan të arrinte suksesin e jashtëzakonshëm.

“Janë dy persona te Barcelona që kishin një ndikim  të madh tek unë, i pari është Pep Guardiola, me të cilin fituam gjithçka, dhe i dyti është Ronaldinho, që më ndihmoi shumë në fillimet e mia” tha ai për MD, njofton Klankosova.tv.

Messi, që me Barcelonën fitoi të gjithë trofetë e mundshëm, tani luan për Inter Miami në SHBA.

Ai gjithashtu synon të marrë pjesë në Kupën e Botës 2026, e cila do të zhvillohet në Meksikë, Kanadë dhe SHBA.