‘Me ty jam aty ku duhet të jem”, njihuni me partneren e re të Mauro Icardit që e bëri të harrojë Wanda Naran

Ajo është një aktore, këngëtare dhe modele e njohur nga Argjentina dhe Icardi është fotografuar me të dhe ka bërë të ditur lidhjen e tyre përmes rrjeteve sociale.

Në foto Icardi dhe Suarez duken shumë të dashuruar, ku sulmuesi argjentinas ka shkruar një mbishkrim romantik, ku shpreh dashurinë për 32-vjeçaren.

“Thonë se historitë më të mira nisin aty ku nuk i pret.. kushedi.. Është çështje fati.. ai fati që gjen gjithmonë një mënyrë për të bashkuar dy njerëz pa marrë parasysh sa kohë kalon apo sa rrugë bën për tu takuar. .. Sepse ka takime që duken të shkruara në yje, ato që si fëmijë i shikonim çdo natë bashkë dhe i ëndërronim aq shumë.. sot, nuk më duhen më sugjerime. E di që me ty jam aty ku duhet të jem”, ka shkruar Icardi.

Aktorja dhe këngëtarja argjentinase kishte pushtuar sërish mediat. Në vitin 2021, Wanda Nara kishte gjetur disa mesazhe të dyshimta në celularin e Icardit, të argjentinasit me Suarez, të cilat kishin çuar në një ndarje të përkohshme të çiftit, raporton Ballkanweb.

Kush është Suarez?

Suarez e nisi karrierën e saj si aktore, nga seriali për fëmijë i vitit 2003, “corner of light”, por ajo njihet kryesisht për pjesëmarrjen e saj në produksionet kryesore të televizionit argjentinas, si seriali “Almost Angels”, nga viti 2007 deri në 2010 dhe 2011 luajti në filmin komedi “The Ones”.

Përtej aktrimit, Suarez është aktiv edhe në rrjetet sociale, me 6.7 milionë ndjekës në Instagram, ku ndan shpesh foto nga jeta e saj. Nga viti 2012 deri në vitin 2013 ajo ishte në një lidhje me aktorin argjentinas Nicolas Cabre dhe me të ka një vajzë, Rufina. Nga viti 2015 deri në vitin 2021 ajo ishte në një lidhje me aktorin kilian Benjamin Vicuña dhe së bashku ata patën dy fëmijë, një vajzë, Mangolia dhe një djalë, Amancio.