Mbrojtësi i Barcelonës “i tërheq veshin” skuadrës: Rrezikuam shumë, duhen korrigjuar disa gjëra

Barcelona pësoi disfatë 3-1 ndaj Dortmundit por u kualifikua për në gjysmëfinalen e Champions League, duke iu falur fitores 4-0 në ndeshjen e parë. Pas takimit, mbrojtësi i katalanasve, Ronald Araujo bëri analizën e tij.

“Është një lojë për të cilën duhet të jemi të lumtur për shkak të kualifikimit, por ka edhe një bezdi për shkak të rrjedhës së ndeshjes. Ka gjëra për të korrigjuar, sepse në një moment tjetër, kjo mund të ishte humbur”, tha Araujo.