Mbi 1 mijë gjoba dhe 25 aksidente gjatë javës së kaluar në Ferizaj

Mbi 1 mijë gjoba dhe 25 aksidente gjatë javës së kaluar në Ferizaj

Policia e Ferizajt  gjatë javës së kaluar, ka shqiptuar gjithsej 1 mijë e 182 gjoba kundërvajtëse, ndërsa ka pezulluar 17 patentë-shoferë për drejtuesit e mjeteve që kanë kryer shkelje të rënda.

Gjatë kësaj periudhe, në rajon janë regjistruar gjithsej 25 aksidente, njofton Klankosova.tv.

Nga këto, 7 aksidente kanë përfunduar me lëndime, ku 13 persona kanë mbetur të plagosur, ndërsa 18 aksidente kanë shkaktuar vetëm dëme materiale.

Policia Rajonale e Ferizajt ka theksuar se do të vazhdojë me aktivitete të shtuar për të parandaluar aksidentet dhe ka apeluar për kujdes të shtuar nga drejtuesit e automjeteve, duke i ftuar ata të respektojnë rregullat e trafikut.