KF Malisheva ka marrë një fitore tejet të rëndësishme në kryeqytet, duke mposhtur  Prishtinën me rezultat minimal 0-1, falë një goli dramatik në minutën e 95-të nga Altin Aliu.

Kjo fitore e çon Malishevën në kuotën e 52 pikëve, duke e “blinduar” pozitën e tretë në tabelë dhe duke krijuar një epërsi prej 7 pikësh ndaj Prishtinës.

Skuadra tashmë është në rrugë shumë të mirë për të siguruar një vend në garat evropiane për sezonin e ardhshëm.

Ndeshja ishte e baraspeshuar, me raste në të dyja anët. Arlind Veliu dhe Leonat Vitija goditën nga një herë shtyllën, duke qenë shumë pranë golit.

Takimi u karakterizua edhe nga tensioni i lartë, ku të dy skuadrat mbetën me nga një lojtar më pak pas kartonëve të kuq për Gjorgje Saletic dhe Etnik Bruti.

Megjithatë, në momentet e fundit, ishte Aliu ai që bëri diferencën, duke i dhënë tri pikë të arta Malishevës

. Kjo ishte njëkohësisht fitorja e pestë e Malishevës ndaj Prishtinës në kryeqytet, duke konfirmuar dominimin e tyre në përballjet direkte./Klankosova.tv