FC Malisheva dhe FC Ballkani kanë mësuar kundërshtarët e tyre për rundin e parë të Ligës së Konferencës për edicionin 2026/27.

Nënkampionët nga Malisheva dhe skuadra nga Suhareka do ta nisin rrugëtimin evropian me synimin për ta përfaqësuar sa më denjësisht futbollin kosovar në arenën ndërkombëtare.

FC Malisheva do të përballet me ekipin nga Shkodra, FC Vllaznia, ndërsa FC Ballkani do të sfidojë skuadrën nga Uellsi, FC Connah’s Quay Nomads.

FFK-ja u ka uruar suksese të dyja skuadrave në aventurën evropiane! “Urojmë që të na dhurojnë sa më shumë emocione dhe rezultate pozitive në skenën ndërkombëtare!”, ka njoftuar FFK-ja.