Më 16 korrik 2026, me fillim nga ora 18:00, në Hotel Sirius në Prishtinë u mbajt Kuvendi i Jashtëzakonshëm Zgjedhor i Federatës së Tenisit të Kosovës.

Në këtë Kuvend morën pjesë 39 delegatë me të drejtë vote si dhe përfaqësues të MRS-së dhe KOK-ut.

Pas zhvillimit të procedurave të parapara dhe procesit të votimit, Lulzim Karakashi u zgjodh kryetar i Federatës së Tenisit të Kosovës, me 35 vota pro.

Federata e Tenisit të Kosovës e uron Karakashin për zgjedhjen në këtë detyrë dhe i dëshiron shumë suksese në udhëheqjen e Federatës, me besimin se mandati i tij do të kontribuojë në zhvillimin dhe avancimin e mëtejshëm të tenisit në Kosovë.