Liverpooli me fitore minimale ndaj Evertonit vazhdon sigurt drejt titullit kampion

Liverpooli ka triumfuar 1-0 përballë rivalit lokal, Evertonit, në derbin ë zhvilluar në kuadër të javës së 30-të në Ligën Premier.

James Tarkowski ishte shumë me fat që nuk u përjashtua nga loja pas vetëm 10 minutash lojë për një ndërhyrje brutal ndaj Alexis Mac-Allister, duke marrë vetëm të verdhë.

Mysafirët menduan se kishin kaluar në epërsi me golin e Betos në minutën e 20-të, mirëpo VAR-i e anuloi për pozicion jashtë loje.

Kështu u mbyllën edhe 45 minutat e parë, duke mos arritur të ndryshonin rezultat, shkruan Telegrafi.

Në minutën e 57-të, Luis Diaz lëshoi një pasim perfekt për Diogo Jotan, që shënoi me lehtësi në portën e Evertonit për 1-0.

The Reds ia dolën ta mbanin këtë epërsi minimale, duke vazhduar sigurt drejt titullit të Ligës Premier.

Pas javës së 30-të, Liverpooli ka grumbulluar 73 pikë, 12 më shumë se vendi i dytë Arsenali, ndërsa në xhiron e 31-të takohet me Fulhamin.