Libani thotë se sulmet izraelite kanë vrarë 100 persona

Sulmet izraelite vranë rreth 100 libanezë të hënën në breshërinë më vdekjeprurëse dhe më intensive në gati një vit pasi ushtria izraelite paralajmëroi banorët në Libanin jugor dhe lindor që të evakuohen përpara një fushate ajrore të zgjeruar kundër Hezbollahut.

Mijëra libanezë u larguan nga jugu dhe autostrada kryesore nga porti jugor i qytetit të Sidonit u bllokua me makina që shkonin drejt Bejrutit në eksodin më të madh që nga lufta e vitit 2006 mes Izraelit dhe Hezbollahut, raporton Associated Press.

Ushtria izraelite njoftoi se ka goditur rreth 300 objektiva të hënën, duke thënë se po shkonte pas objekteve të armëve të Hezbollahut.

Disa sulme goditën në zonat e banuara të qyteteve në jug dhe në luginën lindore Bekaa, transmeton Klankosova.tv.

Ushtria tha se po zgjeronte sulmet ajrore për të përfshirë zonat e Luginës Bekaa, përgjatë kufirit lindor të Libanit, pasi kishte shënjestruar më shumë se 300 vende në Libanin jugor.