Kusari-Lila: Fillim jo i mbarë, nuk kemi seancë të rregullt

Shefja e Grupit Parlamentar të Lëvizjes Vetëvendosjes, Mimoza Kusari-Lila në deklaratën pas Mbledhjes së Kryesisë ka thënë nuk do të ketë seancë të rregullt, e që ajo e ka konsideruar si një fillim jo të mbarë.

Kusari-Lila është shprehur se do të duhej të kishte një seancë të rregullt e cila, sipas saj, fillon me deklarime jashtë rendit të ditës.

“Nuk kemi të caktuar seancë të rregullt, që unë e konsiderojë jo fillim i mbarë për faktin se do të duhej të kishim një seancë të rregullt e cila fillon me deklarime jashtë rendit të ditës dhe me agjendën e cila tashmë i ka 31 pika në të cilat janë edhe marrëveshjet ndërkombëtare edhe një mori projektligjesh të cilat në ndërkohë kanë plotësuar kushtet për t’u sjellë në seancë, për t’u votuar në dy leximet”.

“Gjithashtu, kemi një listë të arritjeve dhe sukseseve që tashmë vetën kanë filluar të zbatohen në raport me pozicionin e Republikës tonë në subjektivitetin ndërkombëtar prej procesit të liberalizimit të vizave, tek njohja e pasaportës të Kosovës nga të gjitha vendet jonjohëse, përfshirë edhe Spanjën, si një ndër vendet e cila ka rezistuar shumë gjatë në mosnjohjen e pasaportës së Kosovës”, ka thënë ajo.